Mae ein stiwdio yn cyfuno dyluniad cyfoes gydag ymarferoldeb gwych a’r dechnoleg ddiweddaraf i roi lleoliad delfrydol i chi ar gyfer sesiynau ymchwil.

Gall ystafell yr ymatebwyr ddarparu seddi i 10 o bobl mewn cynllun pedol i 12 o bobl mewn steil ystafell fwrdd.  Mae aerdymheru a seddi bwced lledr yn rhoi cysur ychwanegol. 

Mae ein hystafell arsylwi sy’n llawn o’r offer diweddaraf wedi ei hynysu rhag sain ac wedi ei lleoli y tu ôl i wydr un ffordd i sicrhau preifatrwydd eithaf.  Mae yma seddau i hyd at 6 o bobl ac mae’n cynnwys yr holl offer clyweled diweddaraf yn ogystal ag oerydd i’r diodydd i’ch cadw’n effro ac yn llawn egni.

Mae gan y cyfleuster fandeang ‘wi-fi’ ac Ethernet drwyddynt felly mae cysylltu â’r rhyngrwyd yn hawdd.  Mae dau deledu plasma enfawr hefyd ar gyfer cyflwyniadau ac ymchwil gweledol.  Mae rheiliau arddangos sydd wedi eu gosod ar y waliau hefyd ar gael o amgylch yr ystafell ymatebwyr, sy’n ddelfrydol ar gyfer arddangos ysgogiadau gweledol.

Mae tîm y staff wedi eu hyfforddi yn llawn a byddant yn cymryd gofal o bopeth i sicrhau bod y cyfan yn rhedeg yn llyfn ac yn ddi-ymdrech i chi. 

Ar ddiwedd pob set o grwpiau ymchwil, rhoddir DVD sain i’r cleientiaid a DVD fideo o bob sesiwn ymchwil i chi gael mynd â nhw i ffwrdd gyda chi.